Interiores

Estes días a Sara está recibindo atencións no seu interior, logo da festa por ter a cuberta lista o traballo continúa. Na imaxe podemos ver o aspeco da madeira barnizada nos interiores así como os balncos teitos.

O Ramo da cuberta

Tal e como fomos vendo nesta páxina a cuberta quedou rematada. Hoxe venres houbo o ramo correspondente, xa que a cuberta ao ser nova "estaba moi seca". O asteleiro dos Garrido acolleu esta pequena festa na que se reuniron amigos, familiares e os profesionais que traballan no barco.

Varios detalles

O encolado das xuntas de teca da cuberta xa está rematado, co sobrante eliminado e lixado. Outros detalles van avanzando por medio das oportunas probas e axustes, esta primeira fotografía é boa mostra delo, xa que podemos ver o botalón da Dorna Sara.

Bitácora

A bitácora xa está visible. Neste elemento instalaranse os aparatos electrónicos e mecánicos precisos para a navegación, aos que corresponden os ocos practicados no mesmo, as pantallas da sonda, gps-ploter e demáis xa teñen listo o seu sitio.

Cuberta encolada

Láminas e espiñas están xa encoladas á cuberta, e o resultado é verdadeiramente satifactorio. Agora solo lle falta rechear as xuntas con un forte adhesivo sintético.

Piso da bañeira

O piso da bañeira da Dorna Sara ten o mesmo acabado que a cuberta, na fotografía podemos apreciar un detalle do mesmo, onde se ubicará a bitácora, así como a espiña central.

E continuamos...

A construcción sigue adiante, no interior prepárase a fogonadura do palo, e en cuberta todo está pronto para encolar as espiñas, que foron presentadas e imprimadas esta mesma tarde, o que significa que a cuberta está case rematada.

Moi importante: o asento do patrón