XI ENCONTRO DE EMBARCACIÓNS TRADICIONAIS DE GALICIA. O FREIXO 2013

Abordo con Joan Sol e Marta Salomó, bos amigos do Mediterráneo

Rumbo ao Freixo para participar nos XI Encontros. Saímos de mañanciña de San Vicente con pouco vento, arriscámonos pola canle de Sagres, dobramos Corrubedo e ao pouco, indo por fóra das Basoñas, saudounos o Monte Louro, que marca a entrada polo Norte da Ría de Muros e Noia. Pouco despois avistámola illa da Creba e xa a piques de levar cinco horas de navegación arribamos ao Freixo. Toda a actividade estaba concentrada no Porto: as carpas de exposicións e o Club Náutico albergaban moi diversas exposicións das que quixera destacar a do mariñeiro autodidacta M. Pazó Vila e a selección de librerías que achegaren libros mais ou menos monográficos ó redor da temática da navegación, algúns moi difíciles de topar habitualmente. O concerto de Son de Seu foi multitudinario e o ambiente, en xeral, o propio dos Encontros.

De tódolos xeitos o corazón dos Encontros estaban no mar: os barcos. Convén destacar a participación dos portugueses Fe em Deus e Nosa Señora dos Anxos, e, por suposto, a flota de dornas do Grove, de Vilanova e da Illa. Os galeóns, as bucetas, algúns racús, botouse de menos o do Grove, e entre os que destacou o Laverco de Cabo de Cruz, botado neste 2013.

A organización foi perfecta e a xente do Freixo amable, hospitalaria, e é ben certo que puideron disfrutar dunhas Xornadas moi destacables.

 Joan Sol do blog "El mar es el camí", ao timón

Vista xeral do Freixo

 A lancha xeiteira Canle

 O Laberco

 Galeón RH 1

 Navegando

 Catamarán Lecer

 Rei do Mar, O Laberco e Sara O

 Canoas/bucetas, dornas e bateles de Euskal Herria

 Galeón RH 1 e Lancha poveira do alto Fé em Deus

Diversas tipoloxías e dornas do Grove, como a Semparada, de Lino Prieto

  Agardando para sair

Illa da Creba

Mote Louro, entrada Norte da Ría de Muros-Noia

Fe em Deus

I REGATA DE BARCOS CLÁSICOS CABO DE CRUZ

                                    

O SARA O IMPONSE NA I REGATA DE BARCOS CLÁSICOS CABO DE CRUZ-BOIRO, GRAN PREMIO AGALCARI 

Magnífica regata tamén do "O Laberco" do C.N. Boiro que na súa primeira regata oficial conseguiu o segundo posto e o premio ao barco mellor conservado 

                                     

"O Laberco", de JM Triñanes

                                     

Galeón "Illa de Cortegada", da Asociación Rompetimóns de Carril

                                                                                     

Tras intensas nortadas durante toda a semana, chegado o momento este domingo pasado ás 13.30 h. da consecución da I Regata de Clásicos gran premio AGALCARI (Asociación Galega de Carpintaría de Ribeira) que organizou o Club Náutico de Boiro - Mariña de Cabo de Cruz coa colaboración de Agabace (Asociación Galega de Barcos Clásicos e de Época), Concello de Boiro e Portos de Galicia, o vento non apareceu até case dúas horas despois cando estaban Comité e participantes a piques de arroxar a toalla, momento en que unha brisa do Suroeste fixo aparición e chegando mesmo até os 9 nós, o que permitiu unha saída inmediata para realizar un percorrido de case tres millas entre os puntos de Cabo de Cruz e virada preto da Pobla do Caramiñal con regreso novamente a Cabo de Cruz. 
Boa saída do galeón "Illa de Cortegada" e primeiro tramo de bolina onde o "Sara O"  puido imporse por velocidade a todos os demais, seguíndolle a duras penas o seu ritmo soamente o "Papaleisson" e o "Laberco".

                                    

Avelino Ochoa, o armador, co alcalde de Boiro e o presidente do CN Boiro

1º) SARA O (Dorna de Lecer)– Xosé Avelino Ochoa – C.N. San Vicente Agabace,

2º) O LABERCO (Racú )– Gerardo Triñanes – C.N. Boiro – a 6 minu y 33 segdos

3º) PAPALEISSON (Nantucket Clipper) – Javier Alfonso Otero – Agabace – a 07:06

4º) CASSANDRA (Hyllard 36– Javier y Fernando Pazó – C.N. Portonovo – a 07:53

5º) MIÑA MINIÑA (Tayana 37) – Fabián Garrido – C.N. Grove Agabace  a 13:17

6º) ILLA DE CORTEGADA (Galeón)- Miguel Gago – A.C.D. Rompetimons a 13:33

                        

Gran ambiente na entrega de premios que presidiu o alcalde de Boiro Juan José Dieste, o seu concelleiro de deportes Nolo Romeu e o presidente do Club Náutico Boiro Manuel Fajardo e magnífico éxito de público a exposición dos barcos participantes que estiveron desde o sábado na Mariña de Cabo de Cruz.

Volta a Tambo

Xornada de convivencia e navegación na ría de Pontevedra, por segundo ano un amplo e diverso número de embarcacións déronse cita nesta augas para distrutar de un soleado día de maio para facer o que máis nos gusta: navegar; e a SaraO non podía fallar.

 Ave de Paso

Capitana

A II Volta a Tambo para Embarcaciones Tradicionais, Barcos Clásicos e de Época que organizou o Real Club de Mar de Aguete xunto coa Federación Galega pola Cultura Marítima e Fluvial, Asociación de Pescadores Chirleu de Aguete, Grupo Cultural Ronsel de Seixo e a Asociación Galega de Barcos Clásicos e de Época, contando co importantísimo apoio do Concello de Marín y Diputación de Pontevedra así como con la firma Desmarque. Congregou a 15 embarcacións e aos seus tripulantes, dispostos a disfrutar de un placenteiro dia de navegación que rematou coa entrega de agasallos conmemorativos nos salóns do Club de Mar de Aguete. Amosamos unhas instantaneas do evento.

 Os Galos, de Bueu, e parte das súas embarcacións tradicionais

 Lilas

 A Reiboa, dorna de tope de Poio

 Catamarán Lecer Un

 Aparellando para sair

 O D.K.D. tamén participou

O "presi" ao timón

 A dorna Manuela, a máis antigua das participantes

El Corte Inglés Master Cup, Sanxenxo 2012

 Os pasados  15 e 16 de setembro de 2012 o Real Club Náutico de Sanxenxo dou cabida á clase de Clásicos dentro da organización do Máster El Corte Inglés e da Copa de España de catamaráns. Acudiron sete barcos de Agabace: Miña Miniña, Zorba, Sara O, Zara of Arram, Ayala, Papaleisson e Nocturne.

 A primeira xornada, cumprindo os prognósticos foi de pouco vento pero permitiu dar unha dobre volta entre Silgar e Morrazán. En tempo real o primeiro foi o Nocturne, inalcanzable, con vinte minutos de vantaxe sobre o Zorba, que chegou seguido do Miña Miniña e da Sara O. A aplicación do tempo compensado derivado do rating JCH colocou a Sara O en segundo lugar xa que o Zorba ten que darlle 7,4 minutos por hora e o Miña Miniña 5,7 minutos por hora.

A segunda xornada o vento foi a menos e non se puido dar a saída ata as tres da tarde con hora límite nas 17 h. Repetiuse o mesmo circuíto, Silgar- Morrazán, pero só foron quen de completar as dúas voltas en tempo o Nocturne e o Miña Miniña, xusto no tempo límite que a organización non ampliou. A Sara O chegou ás 17 horas e 9 minutos e computou como non finalizada, o que a levou ó terceiro chanzo do podio, que, así, foi un calco do de 2011 nesta mesma regata: Nocturne, Miña Miniña e Sara O.

 Espectacular imaxe do Miña Miniña

 Papaleisson e Ayala

Zara of Arran e Sara O

XXVII Regata Príncipe de Asturias

Os días 7,8 e 9 de setembro de 2012 celebrouse a XXVII Regata Príncipe de Asturias coorganizada polos Monte Real Club de Iates de Baiona e a Escola Naval de Marín , en augas da Ría de Vigo, e na que houbo unha sección de Clásicos que se correu coas regras de Agabace e o sistema JCH. Destacou a participación da Flota do Grove como a mais numerosa entre os doce clásicos participantes: Ayala, de Paco Padín, Papaleisson, de Javier Alfonso e o Miña Miniña de Fabián Garrido e o Sara O que se encontraren nas augas de Baiona cos Nocturne, Pingüino Uno, Aguete, Arosa, Cassandra ou Giralda. Os pronósticos de vento parecía que ían estar errados cando o venres, cara ás 11 da mañá, ventos térmicos de entre 25 e 30 nos sorprenderen aos barcos a carón das Cíes. Ata a hora da saída mantivéronse uns 12-15 nos, que, pouca a pouco foron baixando en intensidade mentres a flota saído das Estelas, navegaba ata Toralla, Cangas e Cabo Home. A organización tivo que refacer o recorrido e acurtala tirada ata a baliza de Subrido, á altura de Cabo Home. Chegaron dentro do tempo límite, nesta orde: Pingüino Uno, Nocturne e Sara O. O Cassandra tivo a posibilidade de entrar pero a corrente non lle permitiu cruzar entre o barco do comité e a baliza, quedándose a uns 30 metros de cruzala liña, impotente, coa corrente en contra e sen vento.

Na xornada seguinte deuse a saída cuns 6 nos que, pouco a pouco, foren escaseando, ata que, cando o Pingüino Uno, logo de pasalas Cíes e virar en Subrido, estaba a piques de alcanzar Toralla, seguido polo Nocturne a algunha distancia, co Aguete, Cassandra e Sara O a continuación, e cando xa lle tiñamos gañado o barlovento ao barco da Armada e ao dos irmáns Pazó, a unha milla de Toralla, e co resto da flota en cabo Home, a organización decidiu suspendela regata. O último día, tamén pola ausencia de vento, a organización decidiu anulala regata.
Valeron, pois, os postos do primeiro día para conformala clasificación dos Clásicos.
Nesta ocasión a tripulación do Sara O, amais do patrón estivo formada por Luís Tourón e o patrón o primeiro día acompañados por Nacho Tourón e Javier Portela no resto das xornadas.

V Concentración de Barcos clásicos e de época de San Vicente - O Grove 2012

Rematou con gran éxito de participación e organización a quinta edición da Concentración de Barcos clásicos e de época de San Vicente que organizou o grovense Club Náutico San Vicente do Mar co patrocinio da firma de automóbiles Louzao e onde colaboraron tamén o Concello do Grove, Deputación de Pontevedra, a Asociación Galega de Barcos Clásicos e de Época, O Corte Inglés, Roberto Joyero, Frinsa, Leyma, adegas Pazo de Fefiñans, restauración Castro Rodiño, Hotel Abeiras e Hotel Spa Atlántico.

VER VIDEO TVG1
VER VIDEO TVG2
VER VIDEO TVG3
 

 Zara of Arranz

Condicións moi parecidas as que houbo na xornada final e as do día anterior, con ventos do Sur-Suroeste que portaron unha media de 12 nós de intensidade e acougando case ao final. Pero ao contrario que o sábado, o día estivo bastante anubado e mesmo houbo un pequeno orballo ao principio da xornada. Percorrido de 14,2 millas con saída fronte a Pedras Negras para ir en longo até unha baliza fronte á praia da Lanzada, daquela un través até unha baliza no sur de Sálvora, para baixar noutro través até o faro de Picamillo, e regresando novamente á baliza da Lanzada en popa cun ataque final en través orzado até a chegada fronte ao porto de Pedras Negras. O  "AGUETE" non tivo o dominio en real como na xornada anterior, xa que o "ZORBA" tomou o mando desde o principio sen deixalo a pesar dos embites finais do barco da Comisión Naval que non podo entón repetir o triunfo sabatino e perdendo ademais a xeral a pesar de quedar empatado a puntos.

 Stoltera

Non os abandonou en ningún momento o “MIÑA MINIÑA”, que entrou terceiro en meta nas dúas probas celebradas esta fin de semana. Entre os de menor eslora volveu gañar con autoridade o "AROUSA X", sendo segundo esta vez o "SARA O" e terceiro "ZARA OF ARRAN". A clasificación xeral final dos primeiros clasificados de ambas as clases aplicados os hándicaps respectivos, foron os seguintes:

 Catamarán Lecer

Clase ONS :

1º) ZORBA (Laurent Giles 17.5), de José Garrido, Club Agabace, 3 puntos

2º) AGUETE (Formosa 51), José Lusi Guitart, CNR de Marín, 3 puntos

3º) CASSANDRA (Hillyard 36), de Francisco Pazó, CN Portonovo, 7 puntos

4º) MIÑA MINIÑA (Tayana 37), de Fabián Garrido, Club Agabace, con 7 puntos

5º) ADAXE CATRO (Sloop Van de Stat), de Alejandro Díaz, CN Vilanova, 11 pts

 Vista xeral no primeiro bordo do sábado

Clase SÁLVORA:

1º) AROSA IX (Tofinou 7) de Luís Tourón, Real Club Náutico de Palma, 2 puntos

2º) ZARA OF ARRANZ(Clyde one design) de Leopoldo Pita de Club Agabace, 5 p.

3º) SARA O (Dorna tope Lecer) de Xosé Avelino Ochoa, CNS Vicente, 6 puntos

4º) PAPALEISON (Nantucket Clipper) de Javier Otero, Club Agabace, 10 puntos

 Stoltera

 Sara O

 Adaxe IV

 Arosa IX

Ayala e Zorba