31 de marzo de 2009

Varios axustes

Os carpinteiros prosiguen o seu traballo na dorna Sara, atópanse nestas xornadas axustando a tapa regala así como algún dos remates da cabina. No interior os mamparos recibiron xa un fondo, de ahí a cor branca que se aprecia nas fotografías.







27 de marzo de 2009

Interiores


Estes días a Sara está recibindo atencións no seu interior, logo da festa por ter a cuberta lista o traballo continúa. Na imaxe podemos ver o aspeco da madeira barnizada nos interiores así como os balncos teitos.

13 de marzo de 2009

O Ramo da cuberta

Tal e como fomos vendo nesta páxina a cuberta quedou rematada. Hoxe venres houbo o ramo correspondente, xa que a cuberta ao ser nova "estaba moi seca". O asteleiro dos Garrido acolleu esta pequena festa na que se reuniron amigos, familiares e os profesionais que traballan no barco.

6 de marzo de 2009

Varios detalles

O encolado das xuntas de teca da cuberta xa está rematado, co sobrante eliminado e lixado. Outros detalles van avanzando por medio das oportunas probas e axustes, esta primeira fotografía é boa mostra delo, xa que podemos ver o botalón da Dorna Sara.